Se jkollok tħallas €73 aktar biex it-tifla tagħmel l-O-levels

Jekk int għandek tifel jew tifla li waslu biex jagħmlu l-O-levels tista’ taqbad dawk il-ftit Ewro li kont mingħalik li frankajt mill-kont tad-dawl u l-ilma u twarrabhom biex tagħtihom lura lill-Gvern ta’ Joseph Muscat li għadu kif għolla l-eżamijiet kollha.
 

Qabel tkompli taqra’ nissuġġerilek tpoġġi bilqiegħda.

Jekk per eżempju t-tifla bi ħsiebha tagħmel 10 eżamijiet, dawn se jiġuk €73.55 aktar minn kemm kienu jiġuk kieku għamlithom is-sena l-oħra. Dan il-għaliex kull eżami għollewh b’€7.02 u dik li tissejjaħ Registration Fee għollewha bi €3.35 oħra.

Il-kont se jiġik €225.

U bilħaqq, jekk fost is-suġġetti li qed tistudja t-tifla hemm minn dawk li għandom eżami prattiku, bħall-Kimika u l-Bijoloġija, trid tħallas €10 oħra għal kull eżami.

Għollew ukoll drastikament l-A-levels u l-Intermediate imma għal dawk baqgħalek sentejn iġġemma.

Aħjar ma ntikx ħafna qtajja f’daqqa u għal-lum nieqaf hawn.