Helena Dalli mhix tgħid il-verita'

Helena Dalli fuq l-istazzjon tal-Partit Laburista qed titkaża li qabel l-elezzjoni tal-2008 Peppi Azzopardi ltaqa’ ma’ Jeffrey Pullicino Orlando u wara mar jagħmilha ta’ moderatur f’dibattitu bejn il-Prim Ministru Gonzi u l-Kap tal-Oppozizzjoni Sant. Din hija invenzjoni.

Il-fatti huma dawn:

1. Qabel l-elezzjoni tal-2008 Peppi Azzopardi ma preżenta l-ebda dibattitu bejn Dr. Gonzi u Dr. Sant;

2. Fil-programmi ta’ Xarabank li preżenta Peppi Azzopardi waqt il-kampanja elettorali 2008 Dr. Gonzi u Dr. Sant kienu mistiedna f’żewġ programmi separati. Dr. Sant kien f’Xarabank tat-22 ta’ Frar u wieġeb mistoqsijiet minn żewġ ġurnalisti tan-NET (Amanda Ciappara u Keith Micallef). Dr. Gonzi kien f’Xarabank tad-29 ta’ Frar u wieġeb mistoqsijiet ta’ żewġ ġurnalisti ta’ ONE (Charlon Gouder u Miriam Dalli);

3. Il-laqgħa ta’ inqas minn siegħa bejn Peppi Azzopardi u Jeffrey Pullicino Orlando mitluba mill-istess Pulliciono Orlando, ġrat qabel il-Press Conference ta’ Dr Alfred Sant li saret fil-ġurnata tat-Tnejn 3 ta’ Marzu 2008, tlett ijiem wara li Peppi Azzopardi preżenta l-aħħar Xarabank tiegħu qabel l-elezzjoni ġenerali tas-Sibt 8 ta’ Marzu 2008. Bejn it-3 ta’ Marzu u l-elezzjoni ġenerali Peppi Azzopardi ma preżenta l-ebda programm politiku ieħor.

Kulħadd jista’ jiċċekja dawn il-fatti kollha b’sempliċi search fuq l-internet.

Helena, min jivvinta fuq dak li hu magħruf żgur qatt ma tista’ tafdah fuq dak li għadu mhux magħruf.