Kamasutra

Bil-mod il-mod il-politici Maltin qed jirnexxielhom johorgu lill-Indjani li hargu bil-Kamsutra ta’ amateurs. Il-professjonisti moderni tal-pozizzjonijiet ma jinsabu mkien hlief f’dawn il-gzejjer f’nofs il-Mediterran, b’koncentrazzjoni qawwija fit-triq ta’ bejn il-Mile End u Tal-Pieta`.

Nibdew minn naha t’isfel tat-triq.

Lawrence Gonzi ha pozizzjoni u ma jridx jiccaqlaq minnha. Imma fl-istess nifs ra kif ghamel biex shabu l-Parlamentari blu jiehdu pozizzjoni differenti minn tieghu. Dan, qalilna, biex tigi rispettata l-pozizzjoni li ha l-poplu fi process li swiena xi €10 kull ras inkluzi dawk li ma vvotawx. Il-messagg li wasal ghandi huwa "Ahna nirrispettaw il-pozizzjoni tal-poplu, jien LE."

Minkejja li d-Deputati Nazzjonalisti li qalu IVA huma manna ghall-pajjiz, ghad-demokrazija u ghall-istess Partit Nazzjonalista, sal-lum il-pozizzjoni tal-partit ghadha l-istess pozizzjoni ta' qabel ir-referendum u tal-Kap - Divorzju Ommi Ma! Allura l-pozizzjoni l-gdida li kellhom jiehdu d-Deputati blu biex il-pozizzjoni tal-poplu tkun rispettata, tmur kontra l-pozizzjoni tal-partit.

Imma l-pozizzjoni tal-partit hija l-pozizzjoni tal-partit?

Huwa stat ta’ fatt li l-pozizzjoni mehuda mill-PN giet deciza mill-ftit tal-ezekuttiv. Sa fejn naf jien pozizzjoni ta’ partit ghandha dejjem tigi deciza mill-organu principali ta’ partit u fil-kaz tal-PN dan l-organu huwa l-Kunsill Generali. Imma lil dawn hadd ma staqsihom x’pozizzjoni kollettiva jridu jiehdu. La staqsewhom x’pozizzjoni ghandu jiehu l-partit qabel ir-referendum u lanqas staqsewhom x’pozizzjoni ghandhom jiehdu d-Deputati wara li r-referendum ghadda with flying colours.

It-tmexxija tal-PN halliet lill-kunsilliera (tal-partit mhux tar-rahal) bi kwiethom fil-kazini jilghabu l-isnooker u ghaffget u regghet ghaffget il-pozizzjoni hi. X’jimporta li bit-tahwid ta’ pozizzjonijiet hemm min qed jibdel il-pozizzjoni tieghu lejn il-partit u zdied fuq li zdied ic-cans li fil-Parlament in-Nazzjonalisti jkollhom jibdlu l-pozizzjoni u jibdew iharsu lejn l-ispeaker minn naha l-ohra.

Telgha ‘l boghod mill-istamperija hemm champion iehor tal-pozizzjonijiet. Jismu Joseph Muscat. Dan l-ewwel bdielna b’pozizzjoni li ma jsirx referendum, imbaghad kien hu li ressaq mozzjoni biex ikollna r-referendum. Tghid bidel il-pozizzjoni fuq parir tal-aqwa konsulent li ghandu - is-surveys?

Ghax trid tara biex temmen li dan Muscat li bidel il-pozizzjoni hu l-istess wiehed li ha pozizzjoni wahdu u mbaghad qalilna li lest jibqa’ wahdu jzomm l-istess pozizzjoni. Nisthajjilkom tghiduli "Mela ma tantx hu differenti minn Gonzi!"

Imma biex nibqghu naghrfuhom minn xulxin u ma nhawwdux, filwaqt li Gonzi zamm il-pozizzjoni tal-LE u serrah mohhu b’huh u b’ohrajn li marru mal-IVA, Muscat qalilna li din li jibqa’ b’pozizzjoni wahdu jista’ jaghmilha hu biss. F’daqqa wahda Muscat skopra li min ma jiehux pozizzjoni bhal dik tal-poplu (u f’dan il-kaz, bhal tieghu) ikollu jiffaccja l-konsegwenzi.

Ara meta l-pozizzjoni tal-poplu kienet favur is-shubija fl-Unjoni Ewropea, Joseph Muscat gie alabiebu mill-konsegwenzi. Lid-Deputati Laburisti qalilhom car u tond biex ma jirrispettawx il-pozizzjoni tal-maggoranza. Qalilhom biex fil-Parlament jirraprezentaw il-pozizzjoni tal-votanti Laburisti u jivvotaw kontra t-trattat tas-shubija. U ballec semghu minnu!

Imma tghid dawk kienu zminijiet ohra u forsi issa Muscat jaf ftit iktar kif ghandu jimxi f’demokrazija?

Le ta… ghall-inqas zgur mhux fuq demokrazija interna. Ghax bhal Gonzi lanqas Muscat ma laqqa’ l-organu ewlieni tal-Partit - il-Konferenza Generali. X’aktarx id-delegati Laburisti kienu mhabbtin wisq jilghabu l-isnooker kontra l-kunsilliera tal-PN u Muscat ma riedx itaqqlilhom mohhhom b’dawn il-hsibijiet fuq il-pozizzjonijiet. Irraguna li jekk ma jirnexxix fil-pjan li jirbah l-elezzjoni, ghall-inqas ikun mohhu mistrieh mit-trophy tal-isnooker.

Allura l-Labour ħareg b’pożizzjoni li m’għandux pożizzjoni.

Forsi jien għadni lura wisq biex nifhem kif il-progressivizmu jitlob li partit ma jieħux pozizzjoni. Forsi għax jien konservattiv ma nifhimx kif partit li jinħoloq bl-iskop li jieħu l-pozizzjonijiet f’daqqa waħda jarmi l-Kamasutra u jtiha għal-loghob bil-lasti, l-boċċi u t-toqob tal-isnooker.

Fuq il-venda staqsejt lili nnifsi "Tgħid la tasal l-elezzjoni tal-Labour se jkollhom żewg programmi elettorali? Tgħid se jkollhom wieħed bil-pożizzjonijiet tal-Ayatollah u ieħor bil-pożizzjonijiet tal-partit, mimli paġni bojod li fihom tista’ tikteb li l-qaħbeċ trid?"