Min hu Pride?

Ghal darb’ohra nhar is-Sibt, it-toroq tal-belt kapitali taghna ghamluha ta’ teatru ghall-bziezaq u ghas-sfafar ta’ dawk li huma migbudin lejn persuni tal-istess sess. Jien din tal-gay pride qatt ma fhimtha. Ghax jien inhossni kburi b’dak li jirnexxieli naghmel u mhux b’dak li jien, b’dak li sibt lest ghalija u li ma nista’ naghmel xejn dwaru. M’iniex kburi perezempju li m’ghadux jikbirli xaghar fuq rasi. Dan stat ta’ fatt impost fuqi min-natura, li daqs kemm ma fih xejn hazin, ma fih xejn li jaghmilni kburi bih. Allura jekk issir dimostrazzjoni ta’ fratas kburini bil-qargha, jien ma mmurx, lanqas jekk inkun naf li se jkun hemm prezenti l-mexxej tal-progressivi u li se jehodli b’idejja.

Dr Joseph Muscat kien hemm - fil-gay pride mhux fil-laqgha tal-fratas. Minkejja l-qmis roza, nassigurakom li ma kienx qieghed hemm ghax ghandu l-istess gosti sesswali tal-organizzaturi. Forsi kien ghaddej minn Triq ir-Repubblika u nqabad f’nofshom jew forsi kien ilu xi siegha jistenna l-Arriva u ddecieda li jidhol jaghmel zewg passi l-Belt, jew forsi ried jara fiex wasal il-progett ta’ Piano, jew ried ikun hemm b’solidarjeta` (forsi opportunista, forsi genwina) bhal hafna politici ohrajn blu, homor u hodor.

Jien nimmagina li Dr Muscat kien hemm ghall-ahhar raguni. Imma milli qaluli z-zekzieka Dr Muscat ma tantx dam jimmarcja ma’ tal-qawsalla. Dawn pespsuli f’widnejja li Muscat bilkemm dam bizzejjed biex lahqu jigbdulu zewg ritratti.

Fuq il-venda staqsejt l-ghaliex Dr Muscat telaq daqshekk malajr? Ir-risposta ovvja kellha tkun li kellu xi attivita` ohra. Imma l-ilsna hziena malajr bdew jivvintaw li l-gays keccewh u baghtuh isaqqi t-turf tar-roundabout tal-Blata l-Bajda.

Bdew jghidu li din tal-gay pride m’ghandiex x’taqsam mal-qargha tieghi u ma’ kemm tkun jew ma tkunx kburi biha. Spjegawli li d-dimostrazzjoni tas-Sibt kienet wahda ta’ frustrazzjoni - frustrazzjoni fis-sens politiku, fis-sens ta’ drittijiet li mhumiex drittijiet.

Allura bdew jghidu li l-omosesswali, il-lesbici, t-trans u l-kumplament li tant huma proud bihom infushom ma ridux li maghhom jimmarcja mexxej politiku li lill-eterosesswali jrid izewwighom kull erbgha snin u lilhom lanqas darba f’mitt sena. Bdew jghidu li dawn hassewhom insultati jisimghuh jghid li ma jridx li l-gays jizzewgu ghax ma jridx li jaddottaw it-tfal.

Kien hemm wahda li tghix u torqod ma’ wahda qaltli li jekk hi trid it-tfal m’ghandiex bzonn il-permess tal-mexxej tal-generazzjoni l-gdida ghax issib kemm trid irgiel bil-leblieba li jaghmlulha wiehed u jdabbru rashom il-kazin. U kien hemm iehor qalli li minghajr ma toqghod tmur ma’ persuni tas-sess oppost, hawn Malta tista’ tiddikjara li int single u ma jkollokx problemi biex ituk tifel jew tifla x’tiehu hsieb.

Fuq il-venda mbaghad bdew jghidu li semghu lil xi hadd jghajjar lil Dr Muscat fuq il-grupp li ghamel fil-partit tieghu ghal min ghandu orjentazzjoni sesswali differenti. Qalu li semghuh jghidlu “L-LGBT tieghek taf fejn ghandek iddahhlu. Ahna ma rridux inkunu segregati. Poggejtu lilna fl-LGBT, in-nisa fl-ghaqda tan-nisa, u l-irgiel li jqumilhom ghan-nisa fit-tmexxija. Ahna indaqs jew m’ahniex?”

Imbaghad jidher li kien hemm xi hadd li wiegbu lil dan il-kiesah. Qallu li anke l-partit tal-blu ghandu sezzjoni ghan-nisa u jidher li l-battibekk kompla bejnithom. Imma bdew jghidu li mbaghad qabez xi hadd iehor li din tal-LGBT tal-Labour toghgbu u lil Dr Muscat staqsieh “Xiz-zubbaba ghamiltha taghmel l-LGBT jekk int, wahdek, diga’ ddecidejt li ma tridniex nizzewgu u nrabbu t-tfal?”

Jekk dan li qaluli huwa minnu nifhem l-ghaliex Dr Muscat telaq mill-gay pride b’saqajh ma’ sormu. Is-solidarjeta` hu kien ikollu bzonnha kieku vera ghamlulu hekk. Imma jien ma nemminhomx lil dawn l-ilsna hziena. Ma nemminx li l-gays tal-I am pride huma proud bizzejjed biex jaghmlu wahda bhal din.

Allura biex darb’ohra hadd ma jitnejjek iktar bija, iddecidejt li jekk issir dimostrazzjoni tal-fratas immur u nara b’ghajnejja u nisma’ b’widnejja dak li jkun qed jigri.