Monday, May 1, 2017

Illejla TVM ħassar programm li għalih kien mistieden iċ-chairman tal-Bank Pilatus

Għall-programm Networks tal-lejla fuq ix-xandir tal-istat kellu jkun mistieden iċ-chairman tal-Bank Pilatus Seyed Ali Sadr Hashemineja.

Biex niftiehmu dan Ali Sadr huwa l-Iranjan li għandu wkoll passaporti ta' St Kitts and Nevis, li nqabad ħiereġ bil-bagalji mill-bank fis-satra tal-lejl li fih ħarġet l-istorja li Egrant hija ta' Michelle Muscat.

Sa ftit minuti qabel il-programm il-preżentatur Brian Hansford kien qed jirreklama din l-intervista fuq il-paġna tal-Facebook tiegħu.

Iżda jidher li xi ħaġa marret żmerċ il-għaliex il-program Networks misterjożament ma sarx u minfloku xxandret ripetizzjoni ta' programm ieħor li m'għandu x'jaqsam xejn.

X'ġara?

Ali Sadr ħarab mill-emergency exit ta' TVM?

Jew kien hemm xi ħadd fil-poter li ma xtaqx li ssir din l-intervista fuq ix-xandir nazzjonali?

Jew forsi din l-intervista kienet irrekordjata u dak li qal Ali Sadr ma daqqx għal widnejn min qed imexxi l-istazzjon nazzjonali llum, cioe Kastilja?

NOTA: Qabel ippubblikajt dan il-blog ċempilt u bgħatt messaġġi lil Brian Hansford biex nistaqsieh x'ġara u għażel li ma jweġibnix.


2 comments:

  1. AnonymousMay 2, 2017 at 11:47 AM

    Iva veru ghax anke Sonya Abela, attivista laburista minn Bormla, kienet qed tirreklamah fuq il-fb taghha.

    ReplyDelete
  2. Mark A. SammutMay 3, 2017 at 12:18 AM

    Brian, li hu essenzjalment raġel sew, qal li ra xi dokumenti u xi filmati bis-CCTV. Qal ukoll li ma ra ebda kaxxaforti fil-kċina tal-Bank.

    Meta staqsejtu l-mistoqsijiet li ġejjin ma weġibhomx:

    1. Jekk il-kaxxaforti hi mobbli, kif jaf li ma neħħewhiex qabel ma mar hu?

    2. Minnu li ma hemmx CCTV fil-kċina?

    3. Jekk urew 20 ġurnata CCTV, jiġifieri wrewh il-klijenti li marru l-bank u t-transazzjonijiet li għamlu?

    Brian, għax hu tal-affari tiegħu, intebaħ bis-siwi tal-mistoqsijiet tiegħi u ma weġibnix.

    Intebaħ ukoll li setgħu ppruvaw jgħadduh biż-żmien.

    ReplyDelete

Subscribe to: Post Comments (Atom)