L-aħħar inkjesta li kien involut fiha kienet dik li ma sabet xejn irregolari minn Beppe Fenech Adami. Għax peress illi kien hemm isem Beppe fin-nofs, Muscat ħatar inkjesta bi tliet imħallfin, ħatarha minnufih u fiha poġġa lil sieħbu Sciberras l-'indipendenti'.
L-eks imħallef dalgħodu wriena kemm tassew huwa 'indipendenti'. Fil-faċċata ta' quddiem tat-Torċa Sciberras ġie kkwotat li qed jiġġudika l-allegazzjoni dwar' Egrant, Michelle Muscat u t-tixħim mill-Ażerbajġan bħala 'reċta falza ta' min hu bla argument'.
It-Torċa tkompli tgħid li skont Sciberras din l-istorja hija biss 'frott ta' għira'. B'referenza ċara għall-Kap tal-Partit Nazzjonalista, Sciberras juża l-kliem imċekken, inferjuri, għajjur, negattiv, agressiv, pwerili u tal-ħabba gozz fost aġġettivi oħra.
Illum m'għad hemm ebda dubju dettat mir-raġuni kemm l-eks Imħallef Sciberras jista' jkun ġudikant indipendenti u imparzjali.
No comments:
Post a Comment