F’Wied Fulija fiż-Żurrieq, reġa’ qed jintrema l-iskart.
Taħt Gvern Laburista tas-snin sebgħin u tmenin dan il-wied
kien jintuża bħala miżbla. Gvern Nazzjonalista kien għalaq din il-miżbla, suppost
darba għal dejjem.
Dalgħodu żort Wied Fulija fuq talba ta’ bdiewa li
għandhom ir-raba fl-inħawi.
Qaluli li matul dawn l-aħħar xhur, b’mod regolari, f’Wied
Fulija reġgħu tfaċċaw trakkijiet mimlijin skart tal-kostruzzjoni u reġgħu bdew iħottuh
hemmhekk.
Dan l-ewwel ritratt meħud mill-bogħod juri l-post fejn dan
l-iskart qed jinħatt mit-trakkijiet.
Dħalt fil-miżbla u ħadt aktar ritratti, din id-darba
mill-qrib.
Mill-ħaxix ħażin u mill-marki tat-tyres huwa evidenti li dan l-iskart intrema hawnhekk riċentement u li kien qed jitwitta.
Dan il-munzell partikolari laqtitli għajnejja. Mid-daqs u
mill-marki li għandu fuqu dan il-blat jidher li tqatta bi trencher. Din l-għodda żgur ma
kienetx tintuża f’Malta fis-snin tmenin!
F’Wied Fulija hemm mormi wkoll ammont impressjonanti ta’
ħġieġ.
Dik li f'dan ir-ritratt (taħt) tidher qisha xmara tleqq f'nofs il-wied mhix magħmulha mill-ilma iżda minn skart tal-ħġieġ.
Dik li f'dan ir-ritratt (taħt) tidher qisha xmara tleqq f'nofs il-wied mhix magħmulha mill-ilma iżda minn skart tal-ħġieġ.
Minn dak li qaluli l-bdiewa u minn ftit riċerka li għamilt irriżulta li dan il-ħġieġ ilu mormi
hemmhekk għal madwar sitt snin.
Dak iż-żmien il-Prim Ministru Joseph Muscat u l-Ministru
Leo Brincat kienu ħaduha qatta bla ħabel kontra t-tqegħid ta’ dan l-iskart f’Wied Fulija. Il-Wasteserv kienet wieġbet li dan il-ħġieġ kien qed jitpoġġa hemmhekk b’mod
temporanju qabel jiġi esportat.
Dalgħodu dan il-ħġieġ kien għadu hemm.
Not to worry Norman the majority are all LABOUR.
ReplyDeleteProsit Norman. Gurnalizmu ta' vera.
ReplyDeleteKeep it up.
Prosit Norman. Gurnalizmu ta' vera.
ReplyDeleteKeep it up.
Dan huwa rigal iehor tal MLP ghas South ta Malta. Haqqom iz-Zrieraq ghax iz Zurrieq fortizza laburista u dejjem ta mizbla stmah l-MLP.
ReplyDeletesinjuri ambjentalisti u pulizija lil dawn li jaghmlu dad disastri ta ambjent kontra n natura thalluwom b xejn u ma toqghodux ghassa mahom u ma jehlux habs ghax l aqwa li mhux kaccaturi u nassaba
ReplyDeleteDwar din l-istorja l-Onor Marthese Portelli, Shadow Minister għall-Ambjent, Enerġija u Trasport għamlet din il-Mistoqsija Parlamentari: "Jista’ l-Ministru jgħid jekk hux konxju illi ġewwa Wied Fulija qed jintrema’ ammont kbir ta’ skart, primarjament skart tal-kostruzzjoni? Jista’ l-Ministru jgħid x’passi ħa f’dan ir-rigward?"
ReplyDelete