Il-kumpanija Brażiljana, Konrad Mizzi, Keith Schembri u Mr Egrant

Tiftakruh il-billboard tal-Labour b'Lawrence Gonzi bil-flokk tal-Brażil b'qagħqa kbira fuq dahru? Kif tista' tinsieh!

Dan kien sar wara li Gonzi kien ħabbar investiment mill-kumpanija Brażiljana Odebrecht f'pajjiżna, liema investiment imbagħad irriżulta li kien wieħed żgħir ħafna li ma damx wisq fostna.

F'dawn il-ġimgħat isem din il-kumpanija tfaċċa bi prominenza fl-aħbarijiet internazzjonali b'rabta ma' skandlu kbir ta' korruzzjoni.

U balleċ, ma taqtgħux lil min arrestaw fil-Panama b'rabta ma' dan l-iskandlu?

Lil ħadd ħlief Juergen Mossack u Ramon Fonseca, is-sidien ta' Mossack Fonseca, l-istess nies li fetħu l-kumpaniji fil-Panama ta' Konrad Mizzi, Keith Schembri u Mr Egrant.

Dan ifisser li l-korrotti ta' Odebrecht fil-Brazil - li waqqgħu għaċ-ċajt lill-Prim Ministru Gonzi ftit ġimgħat qabel l-aħħar elezzjoni ġenerali - huma klijenti tal-istess kumpanija korrotta (Mossack Fonseca) li tagħha huma klijenti il-Ministru Konrad Mizzi, Keith Schembri u Mr Egrant. Kumbinazzjoni?