Ir-raġel fiċ-ċirku aħmar għadu kemm spara tiri
lejn karozza li fiha kien hemm persuna. Minflok arrestaw lilu, il-Pulizija
arrestaw lil dak li kien fil-karozza li qalgħet it-tiri.
Lil dan li spara m'arrestawhx. Ħallewh fil-libertà
jagħmel li jrid. Jista' jkun li lanqas l-arma ma ħadulu. Saħansitra ħallewh
iċempel lil min irid. Sal-lum għadna ma nafux ma' min tkellem dan ir-raġel
f'dak il-ħin. Iżda nafu li ftit sigħat wara, il-verżjoni tiegħu ta' kif ġraw
l-affarijiet (gidba) saret il-verżjoni uffiċjali tal-Ministeru tal-Intern u
ġiet ippubblikata bħala stqarrija tad-Dipartiment tal-Informazzjoni.
Dan ir-raġel huwa persuna ta' fiduċja
tal-Ministru tal-Intern, huwa x-xufier u s-security tiegħu u huwa wkoll
Kuntistabbli tal-Pulizija. Fil-ħin li spara, kien qiegħed bil-karozza
tal-Ministru.
Il-Prim Ministru tagħna qed jgħid li għandu
bżonn inkjesta minn 3 maġistrati rtirati biex jiddeċiedi jekk għandiex tinġarr ir-responsabbiltà
politika għal dan il-każ.
Niftakar żmien meta dan l-istess Prim Ministru
ma kien jistenna l-ebda maġistrat biex jiddeċiedi x’inhu u x’mhuwiex skandlu u
min għandu jirreżenja jew jitneħħa. Imma dak iż-żmien Joseph Muscat ma kienx għadu
sar Prim Ministru.
PS: Anzi m'arrestawx lil min ġibed dan
ir-ritratt ukoll!
U s-sabiha li hallew il-but tal-karozza miftuh biex minn ghalihom jghattu n-number plate. Kien dal-hin li nehhew il-GM plates bil-kumdita' kollha? Tghid ma' min qed jitkellem Sheeman f'dak ir-ritratt? Tghid lil min qed ikellem qed isaqsih: "Ghamilna tant cover-ups dal-ahhar, possibli ma taghmlux wahda ghalija?!"
ReplyDeleteX'differenza mill-arlogg ta Tonio Fenech! Kemm ghajjat ghar-rizenja! What goes round comes around dear PM. Shame on you.
ReplyDelete