Kelli raġun, iżda...

Dakinhar li beda jingħad li ż-żieda għall-għoli tal-ħajja se tkun ta’ 58 ċenteżmu, f’dan il-blog ktibt “Serraħ moħħok: Se tiżdied iktar minn 58ċ fil-ġimgħa”.

Fil-Budget il-Gvern għamel eżatt kif kont bassart u b’ħafna pompa ħabbar li s-sena d-dieħla se jkun qed jagħtina kumpens ta’ darba ta’ €35.

Iżda... Dawn il-€35 mhux se jkunu qed jiżdiedu mal-paga. Jekk taħdem fil-Ħdud u l-festi jew jekk tagħmel siegħa overtime, dawn mhux se jkunu qed ikunu kalkulati fir-rata li biha titħallas. Dawn lanqas huma pensjonabbli.

U jekk għandek karozza, dawn il-€35 se jkun qed jieħodhomlok lura mill-ewwel biż-żieda li ħabbar fil-liċenzja, fil-bolla fuq l-insurance u fiż-żieda tas-sisa fuq il-fuel.

U filwaqt li l-€35 se teħodhom darba biss, dawn iż-żidied se tibqa’ tħallashom sena wara oħra.

L-aqwa li fi Pjazza San Ġorġ għamlulna kaxxa b’erbgħa big screens biex juruna x’qed jikteb il-Prim fuq Twitter! U għal din ħallasna aħna wkoll.